发表的攻略 (25) 为去过的地点写攻略
1
[优质]据闻系亚视黄丽梅开嘅,味道确实唔错。面够弹牙爽口,过冷河够及时,面细而唔粘成一团,25蚊大碗,云吞6粒,云吞唔算大粒,不过胜在味好,虾比较爽。汤唔系挪虾皮煲,好似系比目鱼,好似。加咗虾籽落入,唔算好咸已经够味,配埋浙醋食真系正咯。叉烧:如果唔怕肥就一定要叫肥叉,正。怕肥可以叫瘦叉,挪爽口果块,食落已经够味,本人觉得无需再落油点。价格较其他贵,不过可以讲值得
1
如果系食龙虾,一定要佢唔好蒸甘熟,芝士就落得比以前少咗。葱油饼同芝士番薯就系靓点,最正,不过番薯会好腻,不宜多叫。而家加工费都加晒价咯^_~^_~^_~
0
之前agoda搞特价。仲要系晚黑,好在吉隆坡3G网络同Google map给力。其实坐公交车KLCC过来就2个站,落车过马路就系 环境好正,附近都好幽静。房间系公寓式,超级中意。check in好似200押金,可用信用卡。 有自助洗衣干衣机,机币同洗衣粉响接待处就有得卖,一小包+2个机币,超贵,绝对建议自带,或者去KLCC度买。附近有间7仔,基本嘢食都有。呢间嘢特价都几抵嘎,买嘢翻来柴娃娃几过瘾嘎
0
0
0
作为东山口呢边第一间店,铺面唔大,新开张可谓客似云来,繁忙时间排晒长龙。相对于华辉、阿贞食得多之后,银记带来一种有别于佢地嘅味道。价钱都系甘啦,味道尚可,希望可以keep系住啦
0
环境都算唔错,wifi速度尚可,不过时快时慢。芥辣够晒辣,味道响呢个价位来睇都算系中上水平,不过传说中长长三文鱼寿司今日就比较薄,仲要系开尾>o<>o<>o<一向食开嘅秋刀鱼调理比较好,不过仲差d火候。芝士大虾肉都算嫩,不过芝士嘛嘛,同虾肉未融埋晒,味道各自分离。总嘅来讲,呢间嘢属于可以再来果种,前提系开张卡,甘样性价比更加合眼缘,呵呵呵呵
0
响厦门真系好多间分店,既然住响附近,临走就来试下啦。全部都系套餐,4、50几蚊个,有汤,有餐包不过冇牛油搽,自助水果沙律,唔错。牛扒5成会好食好多,今次嘅6成都稍微过韧。总嘅来讲,性价比几高,属于可以再来果种
0
基本上同天河城一样,都系超级多嘅人流,不过比天河城完善的多,人流比klcc要多。好多嘅牌子,有促销嘅时候唔错,唔买都值得一逛
0
唔平,不过人一世物一世,来到就梗系要试下啦^o^^o^^o^招牌奶油老虎虾,唔使讲,第一次来必点,味道还可,口感介乎于龙虾同普通虾之间,不过个人始终感觉白灼先至保持原味。椒盐濑尿虾,肉嫩,够晒大只。蒜蓉清蒸小象鼻蚌,蒜蓉切得唔够碎,味入唔晒d肉度,肉爽唔韧,所以有d可惜。咸蛋黄炒海花蟹,真系够晒大肉,响广州食惯清蒸,过来试下炒,蟹壳真系够晒厚,必须用蟹钳,肉嫩,啖啖肉。可以来一试,不过常来就……
0
0
Kota Kinabalu City Mosque 亚庇水上清真寺
绝对推荐坐巴士去,save money啊,1令吉1程,来回都系2令吉。旺旺山广场系起终点站,响果度只要话city mosque话近海边果个就系,我哋系坐1A去,不过据观察,1路都到,仲有几部车都去,具体自己问下,记住边度落车就响边度上车,我哋回程时唔知道,过咗对面拦部巴士,结果兜咗个圈先至翻去,呵呵,不过就当系环城游啦
0
地段唔错,环境尚可,不过……冇牙膏牙刷,冇拖鞋=_==_==_=最好洗漱用品都自己带。房内插自带网线连无线路由器可以无线上网,不过只有100k。浴室内冇防滑垫,大家小心滑倒啦。太夜check in,分咗间尾房,柜筒竟然有本圣经,好在唔系打开状态~_~~_~~_~入住要100令吉押金。check out后可以响前台免费存放行李,前台原话系"even 3 days is ok"呵呵。相当于国内3星啦
0
0
第一次来,西冷有d过熟,下次可能要5成。孜然羊肉,睇落就知孜然粉系烤熟晒再落一大堆,味道唔够均匀。蛋炒饭,饭明显隔夜未放够冻晒,属于中下乘嘅蛋炒饭。不过鲜榨果汁就算ok,味道算浓郁,唔错^_^^_^^_^
0
屋企附近新开嘅店点可以唔来试下^_~^_~^_~因为店唔大,所以出品都算快,出来都好新鲜滚热辣,皮边仲脆,优惠价39蚊10寸比较抵,原价就会有d贵。人唔算太多,人少少食嘢唔错。唔可以同pizza哈哈比,定位唔同。总嘅来讲,都算唔错,属于可以再来果种^.^^.^^.^
0
而家来呢度,只要你讲数好,都唔会好唔抵。因为而家公称周围都系,唔会差好多,呃称都系会有,做手脚就系计算器度,所以最重要系自己有手机计算器,甘就有保障^_~^_~^_~
0
没来过嘅朋友要揾呢间嘢的确系好鬼难。如果系搭地铁来,响A口出,上完电梯后,左转沿条路行到尽头,见到大转弯位再沿路右转,再直行行到差唔多尽头见到有铁栏杆再左转入巷,然后第二个路口右转入去就见到啦。如果系从肯德基麦当劳果边入,就直行到尽头左转,见到铁栏杆右转,入去第二个路口右转入去就见到啦。味道真系家常嘅味道,唔可以话有太多强求。不过都属于可以再来果种啦^_~^_~^_~
0
好耐都冇来呢间食咯。老婆仔同老妈子都系中意呢间嘅面,确实几弹牙爽口,云吞口感比附近其他店都要好好多,皮薄肉爽蟹籽卜卜脆,汤用咗虾皮来煮,比较有味道,不过都系食唔到好味嘅炸酱
0
总嘅来讲,名大于实。扇贝比较细只,有小小韧,蒜蓉粉丝未入味。炒圣子好韧,而且唔够新鲜,炒虾勉勉强强,不过不失,但唔算太入味。叫咗盘酸菜鱼,酸菜太淋,鱼煮得太老,有d"鞋"。比较失望。虽然冇食佢出名嘅蟹,不过其他都甘杨,得一个招牌菜点得啊=_==_==_=